حـط النقـط فوووق الحـرووف

حط النقط فوق الحروف ....وضح واشرح لي السبب

لالا تعذر بالظروف ....ماقلت لك حبني غصب

يا ناقش بدمي الكفوف ....وياك انا شفت العجب

اعذارك انواع وصنوف ....ما فادني معك العتب

عيشتني ابـ رجوة وخوف ....زيدت ناري حطب

صبرتني بوعد وحلوف .. ..يوم ان قلبي بك نشب

شمس العطا جاها كسوف ....نبع الوفا جف ونضب

صاب الحشا منك عزوف ....ومن الصبر قلبي تعب

ما عدت لي قلب عطوف ....ماعدت لي ذاك المحب

دور على غيري وشوف ....قلب على حسب الطلب